雖然約旦有好多 Muslims 但政府沒有把它成為國家宗教，宗教持開放態度，所以入境處人員唔使著長袍和頭巾。但在街上還是聽到清真寺擴播祈禱。約旦就係响週邊複雜的國家中保持中立和開放，令到他成為區內較安全和穩定的地方，他們仲收留咗好多難民，例如 Syria，教宗 Francis 剛剛也到訪此地。去到 Passport Control 以為要每人要俾 40 JOD (~=40 Euro) 入境，因為見到好多人排隊。但原來香港可以免簽證入境 14 日。可以省回 800 HKD 兩個人！攞完行李，去找 Airport Express Bus, Tourist Information 話仲有一分鐘就開車，我地好緊張即刻去找 bus station and ticket office。指示都好清楚，有個黃色燈相寫著 bus ticket office，每人 3.25 JOD。人和行李上咗車，好快就開車，唔使等，正！沿途看見有好多一檔檔擺路邊的生果店，生果的顏色好鮮豔，擺得好靚，有發泡膠箱同保鮮紙。這條路好新，好平，好舒服。郊外有好多好靚的獨立屋。從機場一直過來，看見安曼都好企理，新淨，感覺幾安全。仲見到 IKEA 同 Hardee’s 快餐店。去到 North Bus Station，未落車已經見到個的士司機望住我地。落????車時，他已經問我地要唔要的士。我地話要，然後去攞行李。他開價 8 JOD 去 Jordan Tower Hotel。LP 話去 downtown 最多 3 JOD。他很不高興，話有幾遠，又話公價幾多。我地見佢找唔到其他客，所以企硬 5 JOD。但因為老婆肚痛，最後成交 6 JOD。他很不滿意這個價錢，但無奈接受，上到車仲同我地講咗句普通話：「你好」，同介紹那裡是 Citadel。到最後落車時，他還是滿肚怨氣似的。可能他响巴士站等咗好耐，大半日就係等這單生意。可是作為遊客，雖然冇義務保證當地人有好收入，但都唔會揸乾佢地，如果服務好，一般都會付多小小錢，可是絕唔係被「襟住搶」。去到酒店，要行三層樓梯，好攰。間房好大，有三張床，窗口可以望到兩邊大馬路，地點一流。仲有冷氣，意想不到。落一樓大堂上網，休息。仲有「The Hunger Games」睇。環境幾舒服。之後仲响度食埋飯，但係個芝士意粉真係好唔得，熱水煮熟咗個意粉，然後上面灑咗啲芝士粉，完全冇經過烹調過程 …之後識咗個來自香港城大讀政政的女仔。一個人來一個月。去約旦，Syria 難民營，以色列。好 budget traveller，用曬啲錢就返香港。現在好少香港年青人會咁獨立，同目標方向。返房瞓覺，好攰。Photos : https://tsoanniblog.wordpress.com/2016/06/02/%e7%b4%84%e6%97%a6-day-1-amman/
